SELAMAT HARI GURU

Assalamualaikum,
1. Bab 2 : Akak Nani ado telepon se....cerito pasal Eda yang tongah sibuk di PSS. Sajo la se nak kongsi cerito.....jangan kato se
riak atau berlagak yo. Tahun 2006 PSS sekolah se, johan peringkat kebangsaan. Se jadi Setiousaho. Memang macam nak
gilo dibuek ehh......Suami se paling marah sobab banyak maso kat PSS jo. Bilo dah dapek anugerah tu.......se lotak jawatan.
Mako sonyum lebar Abang Tahir.
2. Banyak tak adillah orang lelaki ni....(u/p Mas Aji). Isteri sibuk, tak boleh......Suami sibuk, tak po......Oleh kerano maleh nak
masam......sobab se manis (dikerumuni dek somut).....sonyap jo lah. Sekarang, gumbira ever after........
3. Tahun 2006 jugo se monang Guru Inovatif sempena Hari Guru. Banyak gunakan / aplikasi pengajaran Dr. Adnan Kamis.
Hadiah eh, ciput jo tapi Pengetuo se dah nak pencen, mako dipakso eh se masuk supayo dia pencen dongan mimpi indah
....... Lopeh tu....se, agak popularlah....masuk Astro (termonung Siti....tergugat lah tu....)
4. Sekolah KGV pornah buat lawatan ke Sekolah Sultanah Asmah, jumpolah.......kawan kito Norliza Kasa, ingat lagi Harum.......?
Harum maso tu dah jadi Guru Cemerlang....
5. Gambar slim se di Bab 6 yoo....Sobalah menunggu.......

Daripado,
Mak Daro